Tuesday, May 11, 2010

Si Korina Sanchez at ang Aking High School Classmates

Grabe! Napaka-weird ng panaginip ko kahapon.

Sa panaginip ko, nasa classroom ko daw ako noong high school ako. Galing ako sa all boys school kaya medyo weird na may kaclassmate akong babae, at ang teacher daw namin ay si Korina Sanchez. Eto pa ang mas weird -- ang exam daw namin ay ang pagkanta ng Telephone ni Lady Gaga. Sa sobrang disoriented ko sa panaginip, natakot ako na baka ako na ang tawagin ni Korina, kaya nagtanong ako sa classmate ko.

Ang sabi ko, "Mich, anong nangyayari? Kelan inannounce na may test?"

"Ewan ko. Hindi ko nga rin alam kung bakit ako nandito," ang sabi ni Mich na hindi naman si Mich. Yung mukha ng tinawag kong "Mich," mukha ng isa ko pang kaibigan, si Marge.

Patapos na yung isa pa naming classmate sa pag-kanta kaya naghanda-handa na ako. Sabi ko sa sarili ko, "Hello, hello, baby..." nang biglang may biglang may lumapit kay Korina at binulungan siya.

Lumapit din ang babae sa akin na may dalang headset. Ang sabi niya, "May nag-hihintay sa iyo sa labas."

"Sino daw? Mga applicant?" ang tanong ko. Busy kasi ako ngayon sa pag-rerecruit ng mga bagong writing consultant kaya siguro naitanongko yon. Pagkatapos, ibinigay niya sa akin yung headset na may tao pala sa kabilang linya. Parang wireless na headset yon, at ako ang gusto kausapin.

"Hello. Thanks for patiently waiting. This is Chad. How may I help you?" ang tanong ko. Static lang naman yung narinig ko kaya lumabas ako ng classroom papunta sa lobby. Parang hotel naman bigla yung lobby. Paglabas ko dun, nakita ko ang isang pulutong ng mga classmates ko sa high school at iba pang mga lower batch sa akin. Nakita ko dun si Ericson Nantin at kung sinu-sino pa.

Napakaweird talaga.

3 comments:

  1. Magbablog ka kasi nang hindi ka nananaginip ng ganyan. haha! Welcome back!

    ReplyDelete

Related Posts with Thumbnails